سالگردَه شيونَ فومني، باموُ وَ بوگوذشت، امّا اوني نام وُ ياد، هميشك جاودانه يَه؛ چي رِ كي، گيلكي شعر وُ گيلكي فرهنگ، جَه اوني قشنگه شعران، اوجور شَوَالَه بيگيفت كي، هر گي خاموشي نارهِ.

شيون، رازَه واژه يانَه شناختي، دانستي كه ايته شعره مييان، چي واژه ئي، كوُيا واستي، قرار بيگيره.

وَ هَتُو اوني آشنايي، فولكلورَهَ گيلانَ مَرَه، اونقد عميق بو، كه هر تا جه اوني شعر، از ضرب المثل وِ گيلكي اصطلاح، بهره دارهِ. شيون، فرزندَه خود زمانه بو، وَ مسايل وُ مشكلاتَه اجتماعي يَه اوجور ساده وُ روان وُ شيرين، بيان كودي كي، هَمَه كَسَه ديله مييان، نيشتي. شيون، از اويا كي دانستي، خواندنَه رسم الخطَ گيلكي، سخت وُ دشوار اِيسَه، با انتشارَهَ صُوتي يَه خو شعران، اوشانَه وِردَه زبانَه مردومه كوچه وُ بازار چاكود.

تا اويا كي هنوزم، صداي شيونَه فومني، گيلانَ مييان اوخان دارِهِ، كي خو شعرانَه پورخاطره يَه، دوستدارانَه گيلكي شعره رِ، خوانداندَرَه.

ياد وُ نامَ اَ شاعرَهَ مردومي يَه، با بخشي از ايته اوني قشنگه شعر، گرامي داريم:

اَمي ماران، گيلكي، دوعا كونيد

گيلانِ لَبظ خودايا، صدا كونيد

خوشانِ جيجاكي دستانَه ذره

گيله تجربَه مَرَه، دَوَا كونيد

دوشمنا نفرين وُ دوستانَ دوعا

گوشت وُ ناخوناً، اَجور سيوا كونيد

دَم بتو، ا َبريدي، آسمانَه جير

عروسِه، گريه مَرَه، عزا كونيد

پسرِهِ … دُخترِهِ … خانَه مردا كِه،

خوشاني جانَه ذره، فيدا كونيد

نيشينيد. پينيك پاره سر، تنايي

مرداكَ نيم تنه يه، قبا كونيد

اَمي ماران، هَمَه روزَ زندگي

مرگه رخشان گير يدي، فنا كونيد

دو تا پا داريد، دو تام، قرضاً كونيد

خانه كار وُ باراً، روبرا كونيد

روزي صدبار ميريدي، زندَه بيدي

خوشاني ديناً، اَجور، اَدا كونيد

آشنا غورصَه، بيگانَه دردَه سر

خوشاناً، صد جوري مبتلا كونيد

نيشينيد نمازهَ سر، رو بَه خودا

(شيونم) آخر پَسَر، دوعا كونيد…

سیدرضا سیددانش- فعال فرهنگی و رسانه‌ای